24 თებერვალს კოლეჯის პედაგოგები და სტუდენტები იმყოფებოდნენ მცხეთის რაიონის სოფელ ჯიღაურაში საქართველოს სოფლის მეურნეობის სამინისტროს ვაზისა და ხეხილის სარგავი მასალის წარმოების ეროვნულ ცენტრში, სადაც შედგა შეხვედრა ცენტრის სპეციალისტებთან და მეცნიერ თანამშრომლებთან. სტუდენტებს მეხილეობა - მევენახეობის დეპარტამენტის უფროსმა, პროფესორმა ზვიად ბობოქაშვილმა უმასპინძლა. ის ჯერ ხეხილის გასხვლის შესახებ ვრცელი პრეზენტაციით წარდგა ჯგუფის წინაშე, შემდეგ კი უშუალოდ ბაღებში პრაქტიკულად წარმოუდგინა სხვადასხვა ხეხილის გასხვლა-ფორმირების ხერხები და თავისებურებები. სტუდენტებმა ამომწურავი პასუხები მიიღეს შეკითხვებზე და თავადაც მიიღეს მონაწილეობა გასხვლის პროცესში. მადლობას ვუხდით სამეცნიერო-კვლევით ცენტრსა და ბატონ ზვიადს მასპინძლობისთვის.